Холандска компанија која се занимава со интензивно производство на јагоди во затворен простор си разви нов автономен робот специјализиран за заштита на јагодите. Интересен е фактот што овој робот се движи под целиот насад и има висина од само 1 метар. Иновативната машина за апликација на заштитни средства се движи со помош на хибриден мотор и 4 тркала со индивидуално управување со што се овозможува голема агилност и движење во секоја насока од насадот. Автономноста се должи на две куполи кои се наоѓаат на предната и задната страна од машината и 3Д камера. Куполите се опремени со ГПС-РТК систем кои прецизно ја одредуваат траекторијата на движење, додека пак 3Д камерата овозможува преглед на насадите од јагода и препознавање на пречки на патот.
Брзината на движење при апликација изнесува 5.4 километри на час што овозможува третирање на површина од 4 хектари да се изврши за помалку од 5 часа.
Во видеото подолу е прикажан роботот во акција:
Автор: Марио Петковски
