ФАО индексот на цените на млечните производи за октомври во просек изнесуваше 120,7 поени, што е 2,2 % повеќе во однос на септември и 15,5 % над неговото ниво во соодветниот месец пред една година.
Во октомври, меѓународните цени на путерот, обезмастеното млеко во прав и полномасното млеко во прав драстично се зголемија и бележат последователен раст во период од два месеци. Зголемувањето на цената е резултат на стабилната глобална побарувачка за увоз со цел да се создадат поголеми количини на залихи. Сезонските ниски резерви на млеко, намалените залихи во Европа и побавниот почеток од претходно предвидениот за новата сезона за производство на млеко во Океанија, исто така, придонесоа кон покачување на светските цени на млекото. Од друга страна, цените на сирењето останаа главно стабилни, бидејќи залихите од главните производители беа соодветни за да се задоволи глобалната побарувачка за увоз.
Извор: ФАО
Извор: ФАО
Извор: ФАО
Фото: Pixabay
