Се разгледува можноста во државните резерви да „влезе“ и оризот

Се разгледува можноста во државните резерви да „влезе“ и оризот

 

 

Министерот за земјоделство, шумарство и водостопанство Љупчо Николовски вели дека државните резерви не се активирани зашто, според Министерството за економија, суровини и репроматеријали има доволно.

Николовски денеска, одговорајќи на новинарски прашања, рече дека се разговара за барањето и оризот да влезе во стоковните резерви.

„Разговараме кои дополнителни земјоделски производи бараме да влезат, како што е оризот и некои други. Макотрпно се работи на тој процес. Имавме средби со Министерството за финансии, но од она што го знам, резервите досега не се ставени во функција зашто Министерството за економија соопшти дека има доволно залихи и дека е направен увид во компаниите кои се дел од нивните регистри“, објасни министерот по доделувањето на договорите за набавка на високопедигриран добиток.