ЕУРОСУПЕР БС-95 и ЕУРОСУПЕР БС-98 со исти цени, ЕУРОДИЗЕЛОТ поефтин за 1,50 денари
Регулаторната комисија за енергетика и водни услуги (РКЕ) одлучи од полноќ да се зголемат малопродажните цени на нафтените деривати во просек за 0,25%.
Малопродажната цена на Мазутот М-1 НС се зголемува за 0,786 ден/кг и сега ќе изнесува 39,181 ден/кг.
Малопродажните цени на Екстра лесното масло за домаќинство (ЕЛ-1) ќе се зголеми за 1,00 денар, а цената на ЕУРОДИЗЕЛ (Д-Е V) ќе се намалат за 1,50 ден/лит. Додека пак, ЕУРОСУПЕР БС-95 и ЕУРОСУПЕР БС-98 нема да се менуваат, односно остануваат на исто ниво, како што биле утврдени со одлуката за утврдување на највисоки малопродажни цени на нафтените деривати и горива за транспорт од 13.09.2021 година.
Со тоа, малопродажната цена на ЕУРОСУПЕР БС-95 ќе изнесува 73,00 ден/лит и 75,00 ден/лит за ЕУРОСУПЕР БС-98, а пак малопродажната цена за Екстра лесното масло за домаќинство (ЕЛ-1) ќе изнесува 64,00 ден/лит, односно 62,00 ден/лит за ЕУРОДИЗЕЛ (Д-Е V) .
