Со едно јаболко на ден, доктор не ви е потребен. Во речиси секоја народна традиција јаболкото е присутно како едно од најздравите овошја кои се препорачуваат за зајакнување на имунитетот, заситување од јадење благо и внес на шеќери, како и за надополнување на здравите навики со соодветна исхрана.
Јаболкото е достапно во текот на целата година, но најдобро е да се конзумира додека е свежо и е во самата сезона на берба. Може да се јаде свежо, но исто така и печено, варено, сушено, преработено во сокови, џемови, мармалади. Исто така, познат е и јаболковиот оцет.
Со само едно јаболко на ден ќе имате многубројни позитивни ефекти, па да видиме на што се базира познатата изрека.
Извор; Pixabay
- Го зајакнуваат имунитетот
Тие се богати со витамин Ц и антиоксиданси кои се борат со слободните радикали во телото, а со тоа и го штитат од многу болести.
- Помагаат во варењето на храна и одржувањето на витка линија
Јаболката содржат големи количини на растворливи влакна – пектин, кои заситуваат и затоа се препорачуваат за сите што се на диета. Овие растителни влакна делуваат корисно и врз дигестивниот систем. Излупено јаболо се препорачува за луѓето кои страдаат од болести на жолчниот меур и на дебелото црево.
- Помагаат во регулирање на шеќерот во крвта
Јаболкото содржи моносахарид, шеќер кој може да ја задоволи желбата за благо, без притоа да ја зголеми концентрацијата на глукозата во крвта. Поради оваа причина не се зголемува лачењето на хормонот инсулин, кој може да предизвика складирање на шеќери и создавање масти од шеќери.
Извор; Pixabay
- Го намалува холестеролот и делува позитивно на срцето и крвните садови
Благодарение на пектинот и полифенолите, јаболката го намалувааат нивото на лошиот холестерол (LDL), како и ризикот од појава на затнати артерии и висок крвен притисок. Исто така помагаат и во превенцијата од срцеви болести.
- Овозможуваат подобро дишење
Јаболката содржат и антиоксиданси кои ги штитат белите дробови, па на тој начин помагаат во борба против астмата. Истражувањата покажале дека кај децата чии мајки редовно јаделе јаболка во текот на бременоста, ризикот од појава на астма значително се намалува.
- Јаболка за побели и поздрави заби
Јадењето на јаболко го стимулира лачењето на плунка во усната празнина. Плунката ги измива бактериите и го намалува ризикот од создавање на кариес. Присуството на калциум уште повеќе го зголемува позитивниот ефект врз здравјето на забите.
Извор; Pixabay
Нутритивен состав на 100 г свежо јаболко со лушпа:
kcal (kJ) 58.6 (246) 58.3 (244)
вода (е) 83.8 87.5
масти (g) 0.36 0.32
протеин (g) 0.22 0.32
јаглехидрати (g) 15.3 15.4
диетални влакна (g) 2.0 2.3
витамин A (IU) 53.6 45.4
витамин C (mg) 6.0 4.1
витамин B1 (mg) 0.014 0.014
витамин B2 (mg) 0.015 0.008
витамин B6 (mg) 0.05 0.05
ниацин(mg) 0.07 0.07
Фолна киселина (mcg) 2.9 0.81
Калциум(mg) 7.2 4.1
Натриум(mg) 0.72 0.00
Калиум(mg) 115.1 115.0
Железо(mg) 0.181 0.073
Магнезиум(mg) 4.3 3.2
Фосфор (mg) 7.2 7.2
Манган (mg) 0.045 0.023
Фото: Pixabay
