Франција и Русија се согласија да работат на решавање на спорот за новиот руски закон со кој се бара француските производители на шампањ да ги етикетираат своите шишиња како пенливо вино, објави денеска француското Министерство за правда.
Почнувајќи од јули, сите странски добавувачи во Русија мора да го користат описот „пенливо вино“ на етикетата на шишето, а само локалните производители можат да напишат „шампањ“ на етикетата – што е руски еквивалент на шампањ, објави Ројтерс.
Законот ги налути француските производители на шампањ кои ги прекинаа испораките во Русија и ја поттикнаа француската влада да се закани со акција во Светската трговска организација.
Министерот за земјоделство на Франција, Жилиен Денорманди, преку Твитер рече дека се договорил со заменик-министерот за земјоделство на Русија, Сергеј Левин, да работи на решавање на проблемот.
Решението предвидува формирање работна група составена од службеници и претставници на винската индустрија од двете земји, додаде портпаролката на министерството.
Тимот на МОЈА ФАРМА пишуваше и во Јули на оваа тема. Текстот во врска со почетокот на спорот можете да го прочитате на овој линк.
Извор: МИА
