Слични Новости
![Земјоделска инспиративна приказна – Марија од „Еко фарма“ споделува совети за еко-производство, придобивки и ризици](https://mojafarma.mk/wp-content/uploads/2021/08/marija-kocovska-248x165_c.jpg)
Земјоделска инспиративна приказна – Марија од „Еко фарма“ споделува совети за еко-производство, придобивки и ризици
![Интервју Миневски: Тиквешката традиција од памтивек ја унапредивме со чисти и иновативни вина во винарија Бади](https://mojafarma.mk/wp-content/uploads/2021/08/baze-minovski-248x165_c.jpg)
Последниве две години беа полни со предизвици и особено тешки за бизнис секторот. Многу бизниси стагнираа, други пак престанаа со работа. Но, тимот на Моја Фарма секогаш успева да најде некој „бисер“ кој независно од дадената ситуација, сепак се бори и успешно граби напред. Денес разговаравме со Антоније Теофиловиќ, главниот мајстор и одговорен лик за сета магија која се крие во подготовката на тестенините од брендот „BENNE PASTA“.
МФ: Може ли накусо да ја запознаеме публиката – кој стои зад брендот „BENNE PASTA“ и како дојдовте до конкретната идеја за производство на тестенини?
– Основањето на брендот е резултат на мојата пасија и нема никаква врска со моите бизнис апетити, а ни формална професија. Повеќе од 15 години поминав истражувајќи ги регионите низ Италија каде правењето Паста не е само процес, туку и стил на живот. Илјадници километри беа потребни за да ги сретнам вистинските Паста мајстори и да ми предадат искуство со кое ќе ги зачинувам животите на моите пријатели, подоцна и на моите клиенти. Потрошив многу ресурси за да дојдам до вистинската формула, од потребни продукти до кулинарски консултации и средби со врвни мајстори. Откако сфатив дека мојата пасија и моето искуство причинуваат задоволство кај другите, решив да основам бренд кој ќе ја презентира истата мисија и ќе ги предизвикува сите можни сетила за вкус со кои ќе се соочи.
МФ: Сеуште се пробивате на пазарот, но добро Ви оди промоцијата на социјалните мрежи. Специфично за Вашите производи е тоа што се направени од увозно италијанско Семолина брашно. Дали ова брашно во комбинација со локално произведените јајца се тајната за квалитетот на вашите вкусни тестенини или постои друга состојка која ги прави вашите тестенини посебни?
– Нормално дека состојките се битни за квалитетот на производот. Да, основата е Семолина брашното, меѓутоа вистинската мера од сите потребни продукти во комбинација со годините искуство и љубовта го даваат перфектниот продукт. Секако дека фамилијата ми е основната состојка за успехот на брендот и тука нема никакви калкулации за пружaње поддршка.
МФ: Што произведувате моментално и дали планирате да го проширите асортиманот на тестенини?
-На листата се наоѓаат повеќе асортимани кои можете да ги разгледате на инстаграм профилот на Бене и моментално не ја прошируваме палетата поради фактот што остануваме цврсто „Hand Made“ ориентирани и не сакам да ја уништам магијата на домашното произведено.
МФ: Дали вашите производи ги продавате само по порачка, или можат да се најдат и во локалните супермаркети? Каков Ви е планот за „освојување“ на пазарот?
– Моменталниот концепт на брендот е исклучиво преку нарачка, а како ке се одвиваат плановите понатаму останува да одлучиме во колаборација со желбите на нашите клиенти.
Магијата на производството на овие превкусни тестенини можете да ја погледнете во ова кусо видео: