Зошто безглутенски житарици треба да бидат дел од Вашата исхрана?

Зошто безглутенски житарици треба да бидат дел од Вашата исхрана?

 

За луѓето кои се чувствителни на глутен планирањето на оброци, често е голем предизвик, а за нивното секојдневно приготвување потребно е добро планирање и внимателно одбирање на состојките. Но има побрз  и полесен начин на кој можете да приготвите вкусен оброк полн со хранливи материи. Ако страдате од целијачна болест или се сомневате дека сте алергични на глутен, обидете се едноставно да ги замените пченицата, јачменот, ‘ржот, кои содржат глутен, со  безглутенски житарици.

Не можете ни да замислите колку зрна без глутен има, а ние ќе Ви претставиме пет. Повеќето од нив ги има и во форма на брашно, а достапни се скоро во сите продавници за здрава храна и поголемите маркети.

Ориз

Оризот е една од најкористените житарки во светот. Тој е добар извор на тиамин, манган, селен, ниацин, витамин Б6, фосфор и цинк, а поради малата содржина на натриум, се препорачува за лица со заболување на бубрезите, срцеви заболувања и проблеми со крвниот притисок. Оризот се вари во вода во сооднос 1:4 околу половина час. Интегралниот ориз е побогат со растителни влакна од белиот ориз, додека пак басмати оризот е погоден за дијабетичари, бидејќи го балансира нивото на шеќер во крвта.

Пченка

Пченката и пченкарното брашно се исклучително хранливи и содржат големи количини на влакна и железо, фолна киселина и витамини А, Ц, Б6 и Б9. Освен што не содржи глутен, пченката го регулира варењето, позитивно влијае на кожата и видот, ги зајакнува коските и го намалува холестеролот и ризикот од појава на срцеви болести. Пченката е одличен додаток на јадења и салати, а пченкарно брашно е идеален гарнир во многу јадења, Пченкарно брашно е одлична алтернатива на пченично брашно за храна за леб, и често тестото направено  од ова брашно за пица и леб се повкусни од бело брашно.

Извор: Pixaby

Амарант

Оваа житарка е богата со хранливи состојки,  со минерали како калиум, бакар, магнезиум, манган, фосфор, витамини А, Б6, Ц и К, фолна киселина. Содржи двојно повеќе калциум од млекото, и три пати повеќе растителни влакна од пченицата. Ако го вклучите во вашата редовна исхрана, амарантот ќе Ви помогне во зајакнување на имунитетот, регулирање на варењетона храната и регулирање на . притисок, а исто така помага и при анемија и неухранетост. Може да се користи за подготовка на леб и колачи, како додаток со салати, супи и како замена за оризот приготвен со зеленчук или месо. Со зрното од амарант може да се направат пуканки,  исто како пченка.

Просо

Просото е мало, тркалезно, жолто зрно богато со витамини од групата Б и калиум и помага во регулирање на pH вредноста во организмот. Може да се готви во вода како ориз или да се подготвуваат пудинзи, а може да направите и вкусни ќофтиња, пита или чорба од просо во комбинација со зеленчук и да користите како замена за оризот.

Извор: Pixaby

Киноа

Киноа е едно од најпопуларните зрна без глутен. Тоа е неверојатно богат извор на влакна и растителни протеини. Киноата се смета за целосен извор на протеини, бидејќи ги содржи сите осум основни аминокиселини. Богата е со минерали како калиум, цинк, железо и особено магнезиум.Оваа житарица е богата со протеини и железо и затоа е и добра замена за месото. Се користи често како додаток во  салати, во супи и чорби. Оваа храна е многу лесна за подготовката, се готви во вода во сооднос од 1: 5, бидејќи брзо ја апсорбира течноста, а се приготвува за десетина минути.

 

 

Категории: Здрава храна
Tags: Храна