Млекото е природен извор на храна за цицачите. Сите цицаци произведуваат млеко за да ги хранат своите деца, додека не бидат подготвени за цврста храна. Млекото содржи вредни хранливи состојки кои помагаат во поддршка на растењето и развојот на организмот, вклучувајќи калциум и протеини. Но, за разлика од другите цицаци, луѓето се единствените цицачи кои го конзумираат млекото и како возрасни единки.
Со цел да се подигне свеста за млекото и неговото значење како глобална храна, Организацијата за храна и земјоделство (ФАО) на Обединетите нации од 1 јуни 2001 година, секоја година го обележува Светскиот ден на млекото.
Еве и зошто е важно да се конзумира млеко секојдневно.
Извор на витамини и минерали
Млекото е супер храна, која ги содржи сите есенцијални витамини и минерали. Toa e богат извор на калциум, минерал кој е важен за здравјето на коските. Исто така содржи и калиум, кој може да им помогне на крвните садови да се прошират и да го намалат крвниот притисок. Поради големите количества на витаминот А, со редовно пиење на млеко, се елиминираат слободните радикали со што се доведува организмот до една балансирана и здрава состојба на функционирање. Производителите го збогатуваат кравјото млеко со витамин Д, кој го поддржува производството на серотонин, хормон кој луѓето го поврзуваат со расположение, апетит и сон. Во млекото има и големи количини на витамин Б12, неопходен за здравјето на мозокот и ДНК. Покрај тоа е витален извор на рибофлавин, за кој е познато дека му помага на организмот да остане енергичен. Исто така, содржи фосфор, кој е корисен за поправка на ткивата и клетките.
Протеини
Кравјо млеко е богат извор на протеини, кои ги содржат сите есенцијални аминокиселини. Во 100g млеко има 3,2g протеин. Пиењето на една чаша млеко наутро и навечер пред спиење обезбедува околу 32 проценти од дневната доза. Телото не може да преживее без протеини. Макронутриентите во протеините му помагаат на телото да произведува ензими, да ги гради мускулите, да ја гради ‘рскавицата и да гради ткивата на кожата. Затоа многу спортисти по тренингот пијат млеко. Тоа му ги дава на организмот неопходните хранливи материи потребни за да се опорави..
Извор :Pixaby
Замена на електролити
Електролитите се неопходни бидејќи помагаат во транспортот на хранливите материи до сите делови на телото. Кога работиме или работиме напорна работа, се потиме и губиме електролити како што се калиум и натриум. Може да ни помогне да ги вратиме овие компоненти. Тоа ќе помогне да се исполни потребата од електролити и да се подобри спроводливоста на нервите.
Цврсти коски
Ова се должи на моќна комбинација на хранливи материи кои ги содржи млекото, како што се калциум, фосфор, калиум, протеини и витаминот К2.
Здрави заби
Млекото е здраво за забите. Ако децата го конзумираат редовно емајлирана површина на забите ќе биде заштитена и ќе се намали ризикот од распаѓање на забите и проблеми со непцата.
Губење на килограми
Според некои истражувањата жените кои пијат млеко дневно имаат поголема веројатност да изгубат тежина, отколку жените кои не пијат млеко. Ако барате здрава закуска, испијте една чаша млеко, ќе Ве држи сити и полни со енергија.
Намалува на стресот
Благодарение на многуте витамини и минерали кои ги содржи, млекото помага во ослободување на мускулната напнатост и во смирување на нервите. После долг напорен работен ден се препорачува една чаша млеко.
Дава енергија
Кога се чувствувате уморно и Ви треба треба енергија напијте се ладна чаша млеко. За кратко време ќе се чувствувате свежо и енергично.
Извор: Pixaby
Ублажува на симптомите на ПМС
Докажано е дека млекото го релаксира телото и ги намалува негативните ефекти што ги доживуваат жените за време на менструалниот циклус.
Хидратација на кожата
Млекото врши хидратација на организмот, бидејќи во неговата основата е составена од голем процент на вода. Исто така добро влијае во третирањето на сува кожа. Млечната киселина помага во отстранување на мртвите клетки од површината на кожата со што се овозможува подмладување и регенерирање на кожата. Пиењето до 2 чаши млеко секој ден ќе ja направи вашата кожа еластична и младешка.
Млекото може да се додаде во вашата исхрана на повеќе начини. Обидете се да го додадете во смути, кафе или во утринска овесна каша.
