Рекордно ниско производство на вино во Европа како последица од неповолната клима
Производството на вино на светско ниво се очекува да биде драстично намалено откако лошите и неповолните временски услови ги погодија најголемите вински производни центри во Европа. Временските услови имале огромно влијание врз производството во Италија, Шпанија и Франција што на крај резултирало со екстремно ниско количини на произведено грозје. Од друга страна, за работите да станат уште посериозни се очекува и зголемување на побарувачката за вино која беше исто така драстично намалена со почетокот на пандемијата во 2020 година.
Врз основа на информации соберени од 28 земји кои што сочинуваат 85% од светското производство на вино. Интернационалната организација за винова лоза и вино прогнозира производство помеѓу 247 и 253 милиони хектолитри на вино во 2021 година.
Иако „нема вакцина“ против климатските промени, генералниот директор на организацијата за лоза и вино изјави дека „постојат долгорочни решенија за кои ќе бидат потребни големи напори во однос на одржливи практики за одгледување винова лоза и производство на вино“ и дека адаптацијата е „итна потреба“ за индустријата. Преминот кон продажбата преку Интернет, исто така, и помогна на винската индустрија за време на пандемијата, додаде тој. Сепак, очекуваниот пад на кинеската побарувачка може да го ограничи годишниот пораст на потрошувачката на околу 2% оваа година во споредба со падот од 3% во 2020 година.
Извор: Guardian
