Утре оризопроизводителите ќе протестираат пред Министерството за земјоделство

Утре оризопроизводителите ќе протестираат пред Министерството за земјоделство

 

 

Претставниците од Иницијативниот одбор за заштита на оризопроизводството и покрај упатениот повик, досега не оствариле средба со ресорниот министер и други владини претставници.

– Целиот координативен тим на Одборот е со став дека треба да протестираме пред Министерството за земјоделство, за што веќе организираме неколку автобуси за превоз на земјоделците кои произведуваат ориз. Очекуваме да ни се придружат и земјоделци од другите региони во државата, за што добивме поддршка. Проблемите на сите ни се заеднички ако се имаат предвид драстично зголемените трошоци, особено со порастот на цените на ѓубривата и другите препарати. Ќе побараме, како што растат цените на репроматеријалите, така и откупните цени на оризот, пченката, пченицата, јаболката, грозјето и другите земјоделски култури да се зголемуваат сразмерно, истакна Здравко Арсов од Иницијативниот одбор за заштита на оризопроизводството.

На протестот во Облешево оризопроизводителите побараа до септември да продолжи рокот за интервентната финансиска поддршка од три денари за килограм арпа, редовните субвенции да бидат исплатени до крајот на февруари и да се зголеми поддршката за „зелена нафта“. Дополнително, упатија барање за реорганизирање на акционерското друштво за водостопанство, односно да се врати системот на водни заедници, со што земјоделците ќе бидат вклучени во организацијата за наводнување на површините.

 

Категории: Вести