Производството оваа година ќе биде 29 проценти помало отколку во 2020 година и ќе достигне 33,3 милиони хектолитри. Во споредба со просекот во изминатите пет години, ќе биде пониско за една четвртина.
„Пролетните мразови намалија добар дел од производството и ќе бидат најниски во историјата, послаби отколку во 1991 и 2017 година“, се вели во соопштението.
Производството исто така страдало од силните пролетни мразови во тие две години, забележува Ројтерс.
Во август, министерството проценило дека производството на вино годинава ќе падне од 24 до 30 проценти, на 32,6 до 35,6 милиони хектолитри.
Речиси сите домашни винарски региони се погодени од неповолните временски услови, но со различен интензитет, велат од министерството.
Така, производството во регионот Шампањ се очекува да опадне за 36 проценти поради обилните летни врнежи, што го поттикна развојот на мувла и зголемените загуби поврзани со мразот. Мувлата предизвикува сушење на гроздовите и лисјата, потсетува Ројтерс.
Производителите предупредија во јули дека може да се загуби дури половина од бербата, иако резервите на пазарот нема да бидат загрозени, благодарение на залихите од претходните години.
Регионот Бургунди-Божоле исто така е тешко погоден и неговото производство треба да се преполови во споредба со 2020 година, поради мраз, град и болести, кои уништиле добар дел од родот на Бургундија, соопштило министерството.
Во регионот Бордо, производството треба да опадне за една четвртина. Областа Совињон била тешко погодена од мраз, така што производството на бело вино ќе се намали, додека сортата грозје мерло, која особено се користи во производството на заштитените вина од Сен-Емилион и Померол, претрпело последици од болести.
