Отворена онлајн програма од обуки на теми поврзани со Зелениот климатски фонд
Кабинетот на Заменикот на Претседателот на Владата на Р. С. Македонија задолжен за економски прашања, координација со економските ресори и инвестиции, во улога на Национален назначен орган за Зелениот климатски фонд (ЗКФ) и Организацијата за храна и земјоделство при Обединетите Нации (ФАО) со задоволство ве канат да земете учество на претстојната отворена онлајн програма од обуки на теми поврзани со Зелениот климатски фонд, која ќе се спроведе во периодот 28 фебруари – 23 март 2022, преку онлајн платформата ZOOM.
Онлајн обуките се спроведуваат во рамки на вториот подготвителен проект на Република Северна Македонија од Програмата за подготвеност и подготвителна поддршка на Зелениот климатски фонд „Зајакнување на националните капацитети за ублажување и адаптација кон климатските промени и финализирање на Работната програма за Зелениот климатски фонд на Р. С. Македонија’’ – спроведуван од ФАО под водство на Националниот назначен орган за Зелениот климатски фонд.
Овие обуки се дел од целокупните напори во рамки на ЗКФ програмата за подготвеност, да се зајакнат капацитетите и знаењето на сите заинтересирани релевани чинители од јавниот, приватниот, академскиот и граѓанскиот сектор во Р. С. Македонија за адресирање на клучните национални предизвици поврзани со климатските промени преку ангажман со Зелениот климатски фонд.
Обуките се отворени за сите учесници кои се заинтересирани за следните тематски содржини, и истите ќе можат да се следат со претходна регистрација на соодветните ZOOM линкови:
Влијанија од климатските промени, мерки и улогата на Зелениот климатски фонд во поддршка на климатски активности; 28.02.2022; ZOOM – Линк за регистрација
Учество на приватниот сектор во финансирање на климатски активности преку Зелениот климатски фонд; 01.03.2022; ZOOM – Линк за регистрација
Родот и климатските промени; 03.03.2022, ZOOM – Линк за регистрација
Климатски финансии; 07.03.2022, ZOOM – Линк за регистрација
Климатски технологии; 09.03.2022, ZOOM – Линк за регистрација
Процес на акредитација за Зелениот климатски фонд вo Северна Македонија; 15.03.2022, ZOOM – Линк за регистрација
Национален координативен механизам и Процедура „Без приговор“ за Зелениот климатски фонд; 17.03.2022, ZOOM – Линк за регистрација
Процес на развој и формулирање на проекти за финансирање преку Зелениот климатски фонд; 23.03.2022, ZOOM – Линк за регистрација
Повеќе детали за програмата и агендите за секоја од осумте обуки на следниот линк:
Онлајн програма за обуки поврзани со Зелениот климатски фонд (македонски јазик)
Онлајн програма за обуки поврзани со Зелениот климатски фонд (англиски јазик)
