Според најновите податоците на Државниот завод за статистика за месец октомври 2021, индексот на трошоците на животот во однос на претходниот месец, изнесува 100.5, а индексот на цените на мало изнесува 100.0.
Пораст на индексите на трошоците на животот во октомври 2021 година, во споредба со претходниот месец, е забележан кај шеќерот, џемот, медот, чоколадата и кондиторските производи за 2.5 %, маслото и маснотиите за 2.3 %, лебот и житата за 1.8 %, месото за 1.7 %, прехранбените производи, неспоменати на друго место за 1.2 %, млекото за 0.7 %, сирењето и урдата за 0.5 %, рибата и морските плодови, жестоките пијалаци за 0.3 %.
Намалување на индексите на трошоците на животот во октомври 2021 година, во споредба со претходниот месец, е забележано кај свежиот и разладениот зеленчук, освен компирите и другите коренести плодови за 2.9 %, свежото и разладеното овошје за 2.0 %, пивото за 1.0 %, минералната вода, газираните пијалаци, соковите од овошје и зеленчук, виното за 0.2 %.
Индексот на трошоците на животот во октомври 2021 година, во однос на октомври 2020 година, бележи зголемување од 4.1 %, а индексот на цените на мало бележи зголемување од 6.1 %.
Извор: Државен завод за статистика
Фото: Pixabay
