Мозокот е единствениот орган што не се обновува како што старееме, а бројот на неврони се намалува од самото раѓање. Овој процес не може да се запре, но може да се забави. Нема магични апчиња кои ќе ни помогнат, но исхраната може да има големо влијание врз структурата и здравјето на мозокот. Храната, која добра за мозокот треба да содржи омега-3 масните киселини, антиоксиданси, минерали и витамини. Јадењето здрава, урамнотежена исхрана, која ги вклучува овие девет дневни намирници, може да помогне да се зачува вашата меморија, концентрација и фокус.
Боровинки
Боровинките содржат многу важни хранливи материи кои позитивно влијаат во подобрувањето или одложувањето на краткотрајното губење на меморијата. За да ги почувствувате овие придобивки јадете 50 g боровинки дневно, без разлика дали се замрзнати или свежи.
Масна риба
Рибата е одлична храна за мозокот, бидејќи е богата со омега-3 масните киселини кои помагаат за подобро функционирање на мозокот. Овие здрави масти му даваат неверојатна сила на мозокот. Храната која е богата со омега-3 масните киселини помага во намалувањето на ризикот од деменција и мозочен удар. Исто така помага и во подобрувањето на меморијата, особено како што старееме. За здраво срце и мозок се препорачува да јадете риба двапати неделно. Масните риби, лососот, сардините и пастрмката, ја зајакнуваат концентрацијата и ја зголемуваат будноста.
Извор: Pixaby
Јаткасти плодови
Јаткастите плодови како што се оревите, лешниците, бадемите и костените се традиционално позната храна за зајакнување на функциите на мозокот и чистење на крвотокот. Оваа храна содржи големи количини на витаминот Е и омега-3 масните киселини. Витаминот Е ги штити клетките, ги подобрува когнитивните способности и штити од појава од Алцхајмеровата болест. Јаткастите плодови се многу здрави, но само ако ги консумирате во умерени количини. Препорачаната дневна доза изнесува 50 g .
Цели зрна
Интегралните житарки: јачменот, пченицата, ‘ржот, овесот и оризот помагаат во намалувањето на ризикот од кардиоваскуларните заболувања. Секој орган во нашето тело зависи од протокот на крв кон и од него, па затоа доколку јадете храна што го штити крвниот систем истовремено го штитите и мозокот. Целите зрна се богати со влакна, витаминот Е и омега-3 масните киселини.
Извор: Pixaby
Кељ
Овој зеленчук го содржи витаминот К, витамин кој ги зајакнува мозочните функции и ја подобрува способноста за памтење. Витаминот К, иако не е антиоксиданс, ги штити клетките од оксидација. Покрај тоа, витаминот К влијае на нормалната коагулација на крв, ги штити и зајакнува коските и спречува калцификација на артериите. Други зеленчуци кои го содржат витаминот К се: целерот, зелката и зелената салата.
Домати
Ликопенот, црвениот пигмент од доматите е моќен антиоксиданс, кој ги штити мозочните клетки. Затоа е пожелно е да се јадат сезонски домати речиси секој ден, или во форма на салати или како дел од оброк. Друга храна во која се содржи ликопенот е: папаја, лубеница и розов грејпфрут.
Извор: Pixaby
Портокал
Само со еден портокал се внесуваат потребните дневните количини на витамин Ц. Ова е важно за здравјето на мозокот, бидејќи витаминот Ц е клучен фактор за спречување на менталното опаѓање. Јадењето на доволни количини храна богата со витаминот Ц помага во заштитата од менталното опаѓање, кое е поврзано со возраста и Алцхајмеровата болест. Витаминот Ц е моќен антиоксиданс, кој ги штити мозочните клетки. Освен во портокалите, витаминот Ц го има во црните рибизли, пиперките, брокулата.
Темно чоколадо
Темното чоколадо содржи силни антиоксиданти и природни стимуланси (кофеин) кои ја зголемуваат концентрацијата и го стимулираат производството на ендорфинот – хормонот на среќата. Препорачаната доза на дневно ниво е 30 g темно чоколадо.
Кафе
Двете главни компоненти во кафето се кофеинот и антиоксидансите. Кофеинот во кафето има голем број на позитивни ефекти на мозокот како што се: зголемена будност, подобрено распожение и концентрација. Пиење кафе во умерени количини е исто така поврзано со намален ризик од невролошки заболувања, како што се Паркинсонова болест и Алцхајмерова болест.
Извор: Pixaby
Ако вашата исхрана не е избалансирана, од било која причина, можете да користите мултивитамински и минерални комплекси и додаток на омега-3 мастите за да ги задоволите дневните потреби со овие хранливи материи. Ако се одлучите да користите додатоци, консултирајте се со доктор.
Слика извор: Pixaby
