Набавена софистицирана опрема за контрола на квалитетот и безбедност на храна
Министерот за земјоделство, шумарство и водостопанство изрази огромно задоволство што заеднички со Факултетот за ветеринарна медицина преку Програмата за рурален развој за 2021 година, успеаа да набават софистицирана аналитичка лабараториска опрема за контрола на квалитетот и безбедност на храна.
Со оваа опрема се подобрува капацитетот и довербата во работењето на јавните институции, се заштитува здравјето на потрошувачите, се зголемуваат истражувачките цели во областа на квалитетот и се отвараат интегративни патишта на нашата земја кон ЕУ, истакна Николовски.
„Безбедноста и квалитетот на земјоделските производи е наш врвен приоритет, но и примарен критериум за пласман на македонските земјоделско – прехранбени производи во ЕУ.
МЗШВ отвара ново поглавје за јакнење на државните капацитети во јавните лабараториски установи и органи во управата кои вршат контрола на квалитетот и безбедност на храна, храната за животни и примероци од животната средина“, посочи Николовски.
