Да се повикаат на разговор откупувачите на јагнешко – Во спротивно, можна радикализација

Преглед

Здружението на земјоделци „АГРО Центар“ на својот Фејсбук профил излезе со свој осврт во врска со актуелната откупна цена на јагнето. Во нивната објава тие го велат следново: „Моментално откупот на јагниња се врши по цена која е под производната. Секоја цена под 180 денари за килограм жива мера за нас е неприфатлива. Тоа е неиздржливо за нашите сточари кои произведуваат јагнешко месо.“

Од здружението апелираат до одговорните во Министерството за земјоделство да ги повикаат на средба откупувачите на јагниња и јасно да им се укаже на проблемите со кои се соочуваат сточарите во однос на набавката на храна и трошоците за одгледување на јагнињата. Во спротивно, велат од Здружението, можно е да има револт и преземање на радикални мерки од сточарските здруженија.

Извор: Агро Центар