Дали промените во урбаните и руралните заедници навистина се на повидок? Книга со рецепти за системски промени: Нордиски иновациски стратегии за одржливи прехранбени системи

Дали промените во урбаните и руралните заедници навистина се на повидок? Книга со рецепти за системски промени: Нордиски иновациски стратегии за одржливи прехранбени системи

Книгата со рецепти за промени во општествените системи нуди методологии, шаблони и студии на случај – или рецепти – за да им помогне на регионалните и националните европски влади да ги променат системите за храна и го подржува концептот за создавање на општества отпорни на климатските промени со нула емисии на јаглерод. Овој концепт се потпира на еднодецениско залагање кон ублажување и адаптација на климатските промени, развој на заедницата и иновативниот екосистем и промените на општествените системи.

Во суштина, книгата е составена од стратегии кои ја демонстрираат улогата на еден јавен иновативен систем кој треба да помогне во создавање на системи за храна одржлив луѓето, планетата и општеството . Но, иако стратегиите предводени од мисијата добиваат зголемено внимание во политичките кругови на национално

и ниво на ЕУ, тие сè уште се прилично лабаво дефинирани и има многу малку примери за нивна имплементација. Преминувањето од намера кон акција е бавно бидејќи не постојат вакви слични мисии во минатото. За повеќе информации во врска со оваа вест, како и до самата книга можете да пристапите преку следниот линк.

Миланскиот пакт и напорите за создавање на одржливи системи

Воспоставен од Миланската општина во 2015 година, Миланскиот пакт за урбана политика на храна е меѓународен договор меѓу градови од целиот свет, посветен на „развој на одржливи системи за храна кои се инклузивни, отпорни, безбедни и разновидни, кои обезбедуваат здрава и достапна храна за сите луѓе во рамка заснована на човекови права, кои го минимизираат отпадот и ја зачувуваат биолошката разновидност додека се прилагодуваат и ги ублажуваат влијанијата на климатските промени“.

Неговата главна цел е да ги поддржи градовите кои сакаат да развијат поодржливи урбани системи за храна преку поттикнување на соработка меѓу градовите и размена на најдобри практики.

Пактот за урбана политика за урбана храна е меѓународен договор на градоначалниците. Тоа е повеќе од декларација, тоа е конкретна работна алатка за градовите. Составен е со преамбула и Рамка за акција во која се наведени 37 препорачани акции, групирани во 6 категории. За секоја препорачана акција постојат специфични индикатори за следење на напредокот во спроведувањето на Пактот. Наградите на Миланскиот пакт нудат конкретни примери за политиките за храна што градовите ги спроведуваат во секоја од 6-те категории на Пактот.

Миланскиот пакт за урбана политика на храна досега го имаат потпишано 211 градови од 49 земји ширум светот. За повеќе информации во врска со Миланскиот пакт, на следниот линк.

Соработка помеѓу градовите за промени во политиките за храна Извор: https://foodpolicymilano.org/milan-urban-food-policy-pact/

Како се справуваат со истите предизвици другите европски земји? (CITIES2030)

Главната цел на проектот CITIES2030 е да создаде урбани системи за храна и екосистеми адаптирани на претстојните предизвици каде централно место ќе има човекот. Проектот CIITES2030 ќе ги обедини истражувачите, претприемачите, лидерите на граѓанското општество и сите чинители на урбаните системи за храна и екосистемите, кои заедно ќе работат во насока на трансформација и преструктуирање на начинот на производство, транспорт, снабдување, рециклирање и повторна употреба на храната во 21 век. 

Како очекувани придобивки за градовите од активностите во рамки на проектот се намалување на отпадот од храна, обезбедување пристојни можности за егзистенција и безбедна храна за сите и промовирање одржливи начини на производство на храна. Визијата на CITIES2030 е да ги поврзе кратките синџири за снабдување со храна, градовите и регионите, потрошувачите, како и  стратешките партнери во индустријата, граѓанското општество, стартап компаниите, малите и средните претпријатија, иноваторите, водечките универзитети и истражувачките центри преку создавање и користење на една дигиталната платформа за управување со урбани системи за храна и екосистеми базирана на блокчеин технологија.

Проектот „Ко-креирање на стабилни и одржливи системи на храна во согласност со FOOD2030“ (CITIES2030) со траење од четири години (2020-2024) e финансиран од Европската Унија преку програмата за истражување и иновации Хoризонт 2020. Конзорциумот на проектот CITIES2030 е составен од 41 партнер од 19 европски земји, а дел од партнерите се и македонската компанија АгФутура Технологии, како и македонското здружение Платформа за зелен развој.

За повеќе информации за проектот посетете ја официјалната страна: www.cities2030.eu

Законски е забрането неовластено преземање на содржини од МојаФарма.мк без наведување на извор на информацијата, цитат и пренесување на линк до оригиналната страница. МојаФарма.мк може да покрене соодветна постапка за заштита на своите права пред надлежен орган.

 

Категории: Зелен развој