Тридневна временска прогноза (11.10.2021)

Тридневна временска прогноза (11.10.2021)

Тридневна временска прогноза за Македонија, 11  – 13 октомври 2021 година

Понеделник 11.10.2021: Променливо облачно и СВЕЖО со повремени локални врнежи од дожд и услови за ретка појава на грмежи. Ќе дува слаб до умерен ветер од југоисточен правец. Во зоната на нестабилност која ќе биде проследена со ретки грмежи и ветерот ќе засилува на интензитет. Температурите остануваат ниски и потпросечни за овој период од годината и минималните ќе се спуштаат во интервалот од 6 до 11 степени, додека максималните ќе се искачуваат во интервалот од 10 до 18 степени.

Вторник 12.10.2021: Претежно облачно и НЕВООБИЧАЕНО СТУДЕНО со повремени локални врнежи од дожд и со умерен, особено Долж Повардарието и во источните предели засилен ветер од северен и од северозападен правец. На високите планини ќе има услови за врнежи од СНЕГ.  Температурите ќе бидат ЗНАЧИТЕЛНО потпросечни за овој период од годината и минималните ќе се спуштаат во интервалот од 4 до 10 степени, додека максимaлните ќе се искачуваат во интервалот од само 4 до 16 степени во нај јужните предели од државава.

Среда 13.10.2021: Променливо облачно и СВЕЖО со повремен локален дожд. На високите планини ќе има услови за провејување на СНЕГ. Особено Долж Повардарието ќе дува слаб до умерен ветер од северен и од северозападен правец и истиот повремено ќе засилува на интензитет. Температурите остануваат потпросечни за овој период од годината и минималните ќе се спуштаат во интервалот од 1 до 9 степени, додека максималните ќе се искачуваат во интервалот од 8 до 16 степени.